Bærinn minn - Hafnarfjörður

Hafnarfjörður er þriðja stærsta bæjarfélag landsins, svo það var úr nógu að velja af fallegum kennileitum og rúmlega það. Lifandi og huggulegur bær með heillandi hafnarsvæði og margar fallegar byggingar. Bæjarbíó er á sínum stað, Súfistinn, vitinn, Hafnarfjarðarkirkja og gamla sundhöllin – svo eitthvað sé nefnt. Hafnarfjörður er ekki eingöngu þekktur sem bærinn í hrauninu, heldur einnig sem bæði víkinga- og álfabærinn – geri aðrir betur!

Bærinn minn er veggspjalda sería sem hefur það að markmiði að fanga anda hvers staðar á skemmtilegan og rómantískan hátt, með myndskreytingum af helstu kennileitum sem saman mynda fallega heildarmynd. Veggspjaldið sómar sér vel á heimilum bæjarbúa en er ekki síður frábær tækifærisgjöf fyrir brottflutta sem vilja minnast heimahaganna.

Athugið að veggspjaldið er án ramma.
Hægt að velja um stærð A4(21x30cm) eða 30x40cm.
Prentað á hágæða Canon ljósmyndapappír.